ስእላዊ መግለጺ: ንግዲ ደቂ ሰባት

ብዛዕባ እንታይ ክትገብሪ ከም ዝኾንኪ ወይ ሂወት ከመይ ክትከውን ከም ዝኾነት ከዐሽዉኺ ልሙድ እዩ።

ሰብ ከፈራርሓክን ክህድደክን ዝውቱር እዩ። እቲ ዝህድደኪ ዘሎ ሰብ ኣገደስቲ ነገራት ካባኺ ንኣብነት ፓስፖርትኺ ወይ ሞባይል ተለፎንኪ ክወስድ ዝውቱር እዩ። ምናልባት ገንዘብ ከም ትእወዲ ወይ ንዝኾነ ሰብ ክትነግሪ ከም ዘይብልኪ ትሰምዒ ትኾኒ። እቲ ዝህድደኪ ዘሎ ሰብ ምናልባት ንስድራቤትኪ ክጐድኦም እየ፡ ወይ እንታይ ከም ዝገበርኪ ንካልእ ሰብ ክነግር እየ ይብለኪ ይኸውን። ግን ዝኾነ ዝገበርክዮ ጌጋ የለን፡ ሓገዝ ድማ ክትረኽቢ ትኽእሊ ኢኺ።

ነቲ ዝሓገዘኪ ሰብ ስለ ትደልይዮ ወይ ስለ ዝፈራሕኪ፡ ካብዚ ኵነታት ናጻ ምውጻእ ኣዚዩ ከቢድ ኾይኑ ክስምዓኪ ይኽእል እዩ።

ጾታዊ ርክብ ምሻጥ ኣብ ሽወደን ንስኺ ይኹን እቶም ምሳኺ ጾታዊ ርክብ ዝፍጽሙ ዘሎዉ እንታይ ዓይነት ጾታ ከም ዘለዎም ብዘየገድስ ገበን ኣይኮነን። 

እቶም ዝምዝምዙኺ ዘሎዉ ጥራይ እዮም ሓደ ዘይሕጋዊ ነገር ዝገብሩ ዘሎዉ። ካብ መጀምርታ ጾታዊ ርክብ ክትሸጢ ምዃንኪ ትፈልጢ እንተ ኔርኪ እውን ብዘየገድስ። እቲ ንዓኺ ግዳይ ዝገብረኪ ዘሎ ሰብ መን ምዃኑ ብዘየገድስ። እንታይ ዓይነት ዝምድና ከም ዘሎኩም ንኣብነት መጻምዲ (ብሓደ ትነብሩ) እንተ ኾንኩም ብዘየገድስ።

ንዓኺ ዝምዝምዙኺ ዘለዉ ሰባት ገለ ዘይሕጋዊ ነገር ይገብሩ ኣሎዉ። እዚ ንግዲ ደቂ ሰባት ዝበሃል ገበን እዩ። ከምኡ’ውን ምስግጋር ተባሂሉ ይጽዋዕ እዩ። ከምኡ’ውን ንኣብነት ኣብ ምምልላስ ወይ መደቀሲ ኣብ ምድላው ምሕጋዝ ዘይሕጋዊ እዩ።

ዝኾነ ሰብ ንኻልእ ሰብ ጾታዊ ርክብ ክፍጽም ከገድዶ ኣይፍቀዶን እዩ። ዝኾነ ሰብ ምእንቲ ገንዘብ ክረክብ ንኻልእ ሰብ ክምዝምዝ ኣይፍቀድን እዩ። እንታይ ዓይነት ጾታዊ ዝምባሌ ከም ዘሎካ ወይ ስግረ ጾታዊ ሰብ እንተ ዄንካ ብዘየገድስ እዚ ብተመሳሳሊ ንዅሉ የገልግል።

ኵሎም ኣብ ዓለም ዘሎዉ ሰባት ባዕሎም ኣብ ሂወቶም ክውስኑ ክኽእሉ ኣሎዎም። ንስኺ ኣብ ልዕሊ ኣካላትኪ ትውስኒ ኢኺ።

እቶም ንሓደ ሰብ ግዳይ ናይ ንግዲ ደቂ ሰባት ዝገብርዎ ሰባት፡ ንማእሰርቲ ክፍረዱ ይኽእሉ እዮም።

ሓደ ሰብ ከይደለኺ ከለኺ ምሳኺ ጾታዊ ርክብ ክፍጽም ከሎ ገበን እዩ። ካልኦት ሰባት ግዳይ ናይዚ ክገብሩኺ ከለዉ፡ ጨሪሹ ናትኪ ጌጋ ኣይኮነን። ኣብዚ ብዛዕባ ጾታዊ ዓመጽን ጾታዊ ድፍረትን፡ ከምኡ’ውን ኣየናይ ሓገዝ ክትረኽቢ ከም ትኽእልን ከተንብቢ ትኽእሊ ኢኺ።  

ግዳይ ናይ ጐነጽ (ዓመጽ) እንተ ዄንኪ ኔርኪ፡ ናብ ፖሊስ ምምልካት ጽቡቕ እዩ። ሕክምና እንተ ደሊኺ ናብ ማእከል ክንክን ጥዕና ወይ ናብ ኣብ ሓደ ሆስፒታል ዝርከብ ናይ ህጹጹ ረዴት ቅበላ ኪዲ። ዋላ መንበሪ ፍቓድ ኣይሃሉኺ ሕክምና ክትረኽቢ ትኽእሊ ኢኺ።

ዋላ ከቢድ ወይ ዘይክኣል ኾይኑ ክስምዓኪ ይኽኣል፡ ነቲ ኵነታት ምቕያሩ ይከኣል እዩ። ልክዕ ኣብ ከምዚ ናትኪ ኵነታት ንዝርከባ ሰባት ሓገዝ ዝርከበሉ ቦታታት ኣሎ። ምስኦም ርክብ ክትገብሪ ከለኺ ስምኪ ምንጋር ኣየድልየክን እዩ። ብልክዕ እንታይ ዓይነት ሓገዝ ከም ትደልዪ ምፍላጥ ኣየድልየክን እዩ። ሓገዝ ንምርካብ ዋላ ሓንቲ ኣይክፈሎን እዩ።

ሓደ ሓደ ኣብነታታ ብዛዕባ እንታይ ዓይነት ሓገዝ ክትረኽቢ ከም ትኽእሊ፡

• ብዛዕባ ከመይ ከም ዘሎኺ ምዝራብ።
• ሕማቕ እንተ ኣሎኺ ዄንኪ፡ ንክሕሸኪ ሓገዝ ምርካብ።
• ንዓኺ ጽቡቕ ዝሰማማዕ ሓደ መንበሪ።
• ንዕቝባ ዘድልየን ሰባት ሓደ ፍሉይ መንበሪ።
• ሓደ ሓኪም ወይ ስነ-ኣእምሮኛ (ሳይኮሎጅየኛ) ምርካብ።
• ናብ ፖሊስ ንምምልካት ሓገዝ።
• ሓገዝ ናብ ዓድኺ ንምጕዓዝ።

እንታይ ዓይነት ጾታ ወይ ጾታዊ ዝንባሌ ከም ዘሎኪ ብዘየገድስ ሓገዝ ክትረኽቢ ትኽእሊ ኢኺ።

• ቤት ጽሕፈት ማሕበራዊ ኣገልግሎት፡ ህጹጽ ማሕበራዊ ኣገልግሎት።
• ኣብ ስቶኮልምን ዮተቦርይን ዝርከብ Mikamottagningen።
• ኣብ ማልሞ ዝርከብ Evonhuset።
• ንዓኪ ጓል ወይ ስግረ ጾታዊ ሰብ ዝኾንኪ፡መዕቆቢ ኣዋልድ (Tjejjour) ወይ መዕቆቢ ኣንስቲ (kvinnojour)።
• ሓደ ክሊኒክ መንእሰያት
• Mottagningen Ellencentret.
• ብዓል መዚ ኢሚግረሽን።
• ሓደ ጸረ ንግዲ ደቂ ሰባት ዝሰርሕ ኣወሃሃዲ ዞባ። እዚኦም ማሕበራዊ ሰራሕተኛታት እዮም። ኣብ ብዙሕ ቦታታት ኣብ ሽወደን ድማ ይርከቡ።
• ፖሊስ።

ብዙሓት ካብዞም ቦታታት እንተ ደሊኺ ሓደ ኣስተርጓሚ ክሕዙ ይኽእሉ እዮም። ምስኦም ርክብ ክትገብሪ ከለኺ ስምኪ ምንጋር ኣየድልየክን እዩ።

ልክዕ ኣብ ከምዚ ናትኪ ኵነታት ንዝርከባ ዝሕግዙ ቦታታት ኣብ ኢንተርኔት ኣሎዉ። ምስኦም ርክብ ክትገብሪ ከለኺ ስምኪ ምንጋር ኣየድልየክን እዩ። ክድግፉኺ ወይ ነቲ ልክዕ ሓገዝ ንኽትረኽቢ ሓገዝ ክህቡኺ ይኽእሉ እዮም።

• Ellencentret
• Somaya kvinno- och tjejjour
• Rädda barnen
• Bris
• Föreningen Storasyster
• Föreningen Tillsammans
• Ungasjourer.se
• Unizon
• Roks
• Kvinnofridslinjen
• Novahuset
• Pegasus.se
• Killar.se
• Brottsofferjouren.

ኣብ መብዛሕትኦም እዞም ቦታታት ብሽወደንኛን እንግሊዝኛን ክትጽሕፊ ወይ ክትዛረቢ ትኽእሊ ኢኺ። ሓደ ብኻልእ ቋንቋ ከዛርቡኺ እውን ይኽእሉ እዮም።

ካብ ካልእ ሰብ ጾታዊ ርክብ ንምርካብ ምኽፋል ዘይሕጋዊ እዩ። ከምኡ’ውን ካልእ ሰብ ጾታዊ ርክብ ንኽሸይጥ ወይ ክገዝእ ምድላው ዘይሕጋዊ እዩ። ካብ ሓንቲ ትሕቲ 18 ዓመት ዝኾነት ሰብ ጾታዊ ርክብ ምግዛእ ብዝያዳ ከቢድ እዩ።

ንጾታዊ ርክብ እንተ ኸፊልካ፡ ንንግዲ ደቂ ሰባት ተበርክት ንኽትህሉ ተኽእሎ ኣሎ። ሓንቲ ሰብ ግዳይ ናይ ንግዲ ደቂ ሰባት እንተ ኾይና ክርኣ ኣይክእልን እዩ። ንሳ ወይ ንሱ ብድልየታ/ቱ ጾታዊ ርክብ ትሸይጥ/ይሸይጥ ከም ዘላ/ሎ ክመስል ይኽእል እዩ።

ብዙሓት ጾታዊ ርክብ ዝሸጣ ሰባት ኣዚዩ ሕማቕ እዩ ዝስምዐን።

ጾታዊ ርክብ ምግዛእ ንኸተቋርጾ ሓገዝ ክትረክብ ትኽእል ኢኻ። ብዝያዳ ኣብዚ ኣንብብ።

ካልኦት ሰባት ገንዘብ ምእንቲ ክረኽቡ ጾታዊ ርክብ ትሸይጥ ሰብ ትፈልጢ ዲኺ? ወይ ምእንቲ መደቀሲ ክትረክብ ናይ ግድን ድሮጋ ትሸይጥ ወይ ትሰርቕ? እዛ ሰብ ግዳይ ናይ ሓደ ገበን እያ።

ነዛ ሰብ ክትሕግዝያ ትኽእሊ ኢኺ። ዋላ እቲ ኵነታት ብርግጽ ከመይ ምዃኑ ኣይትፍለጥዮ።

ነታ ሰብ ምስ ሓደ ካብ እቶም ሓበሬታ ዝሀብናሎም ቦታታት ንምርኻብ ክትሕግዝያ ትኽእሊ ኢኺ። ሓገዝ ንኽትረኽቢ ንስኺ እውን ምስቶም ቦታታት ክትራኸቢ ትኽእሊ ኢኺ።