ስእላዊ መግለጺ: ምኽንሻብ ርሕሚ – ግዝረት

ዘይተኸንሸበ ርሕሚ ከምዚ ክመስል ይኽእል።

ኣብዚ ላዕለዋይ ክፋል ጉድበን ኣብ ከባቢ ጉድበ ዝርከብቈርበትን ተቖሪጹ ተኣልዩ ይርከብ።

ኣብዚ ላዕለዋይ ክፋል ጉድበን ኣብ ከባቢ ጉድበ ዝርከብ ቈርበትን ተቖሪጹ ተኣልዩ ይርከብ። እቶም ውሽጣውያን ከናፍር ርሕሚ’ውን ተኣልዮም ኣለው። 

ኣብዚ ላዕለዋይ ክፋል ጉድበን ከናፍር ርሕሚን ተቖሪጾም ተኣልዮም ይርከቡ። ርሕሚ ተጠሚሩ ተሰፍዩ ይርከብ። ሽንትን ጽግያትን ዝወጸሉ ንእሽተይ ከፋት ኣሎ።

ዝኾነኮይኑ ሕጂ’ውን ብጾታዊ ርክብ ክትድሰቲ ትኽእሊ ኢኺ

• ናትኪ ርሕሚ ከመይ ይመስል ብዘየገድስ ጾታዊ ድልየት ክስምዓክን ብጾታዊ ርክብ ክትድሰትን ትኽእሊ ኢኽ፣ በይንኺ ወይ’ውን ምስ ካልኦት ሰባት።
• ዋላ’ውን ላዕለዋይ ክፋል ተቖሪጹ እንተተኣልየ እቲ ዝዓበየ ክፋል ጉድበ ኣብ ውሽጢ ኣካላት ተሪፉ ይርከብ። ብምልኡ ጉድበ ኣዝዩ ጾታ ስምዒታዊ ኣካል እዩ።
• ጽቡቕ ክስምዑና ዝኽእሉ ቡዙሓት ካልኦት ቦታታት ኣብ ኣካላትና ኣለዉ።
• ዋላ’ካ እንተተኸንሸብኪ ጥርዘ- ስምዒት ክስምዓኪ ይኽእል እዩ።

ካብ ምኽንሻብ ዝተበገሰ ጸገም ክትገብሪ ትኽእሊ ኢኺ

ሓደ ሓደ ዝተከንሸበ ርሕሚ ዘለወን ሰባት ብፍጹም ጸገም የብለንን። ስዒቦም ከጋጥሙ ዝኽእሉ ጸገማት ተዘርዚሮም ይርከቡ።

• ንክትሸኒ ከቢድ ክኸውን ይኽእል። ነዊሕ ግዜ ክወስድ ወይ ከቐንዝወኪ ይኽእል። ብዙሕ ግዜ ናይ ሻምብቆ ሽንቲ ረኽሲ ክገብረልኪ ይኽእል።
• ጽግያት ብቐሊሉ እንተዘይወጺኡ ቃንዛ ክስምዓኪ ይኽእል። ቡርቱዕ ናይ ጽግያት ቃንዛ ክስምዓኪ ይኽእል።
• ጾታዊ ርክብ ክትፍጽሚ ከለኺ ቃንዛ ክስምዓኪ ይኽእል። ብዝደለኽዮ ኣገባብ ጾታዊ ርክብ ክትፍጽሚ ከጸግመኪ ይኽእል።
• ርሕሚ ቃንዛ ክገብር ይኽእል። ዘቐንዙ በሰላን ሕበጥን ክገብረልኪ ይኽእል።

ጽቡቕ ሓገዝ ኣሎ

ካብ ምኽንሻብ ዝተበገሰ ጸገም እንተ’ለኪ ኾይኑ ናብ ክሊኒክ መንእሰያት ወይ ማእከል ክንክን ጥዕና ክትከዲ ትኽእሊ ኢኺ። ተመሃሪት እንተኾንኪ ምስ ናይ ቤት ትምህርቲ ነርስ ክትዛረቢ ትኽእሊ ኢኺ። ኣብ ስቶክሆልም  ዝርከብ ክሊኒክ AMEL ንብዙሓት ጸገም ምኽንሻብ ዘለወን ሰባት ይሕግዙ እዮም። ኣብ ዝኾነ ቦታ ናይዚ ሃገር ከምትነብሪ ብዘየገድስ ናብኡ ክትከዲ ትኽእሊ ኢኺ። ክትረኽብዮም ትኽእሊ ሓገዛት፣

• መሕረሲት ወይ ሓኪም ተኸንሺብኪ እንተ ዄንኪ ክርእይዎ ይኽእሉ እዮም። ምናልባሽ ባዕልኺ ኣረጋጊጽኪ ኣይትፈልጥን ትኾኒ።
• ዝተሰፍየ ርሕሚ ምእንቲ ክኽፈት መጥባሕቲ ክግበር ይከኣል እዩ። ሓደ ሓደ ግዜ ጾታዊ ርክብ ንክትፍጽሚ ወይ ህጻን ንክትወልዲ ኣድላዩ ክኸውን ይኽእልእዩ ።
• እቶም በሰላን ሕበጥንን ቃንዛ ዝገብሩ እንተ ኾይኖም ንኸተልግስዮም ሓገዝ ክትረኽቢ ትኽእሊ ኢኺ።
• ንኣብነት ብሰንኪ ካብ ምኽንሻብ ዝተላዕሉ ተዘክሮታት ሕማቕ ዝስምዓኪ እንተኾይኑ ምስ ሓደ ሰብ ክትዛረቢ ትኽእሊ ኢኺ።

እቶም ሰራሕተኛታት ናይ ምስጢር ናይ ምዕቃብ  ግዴታ ኣለዎም ስለዚ ሓገዝ ከም ዝረኸብኪ ንዝኾነ ሰብ ኣይነግሩን እዮም።

ንዝኾነ ሰብ ክትክንሽብ ዘይሕጋዊ እዩ

• ንስኺ ባዕልኺ እንተደሊኺ ጥራይ ኢኺ ንካልእ ሰብ ርሕምኺ ከም ዝተከንሸበ ክትነግሪ ትኽእሊ። ከመይ ከም ዝመስል ከተርእዪ ትደልዪ እንተ ዄንኪ ባዕልኺ ትውስኒ። ክንሽብቲ ምኻን ገበን ኣይኮነን።
• እንተ ኾነ ግዳ ንካልእ ሰብ ክትክንሽብ ክልኩል እዩ። እቶም ንምኽንሻብ መደብ ዝገብሩ፣ ንካልእ ሰብ ዝሓቱ ወይ ዝኽንሽቡ ሕጊ ይጥሕሱ።  እዚ ዋላ’ውን እቲ ሰብ ንክኽንሽብ ናብ ካልእ ሃገር እንተኸይዱ ይምልከቶ እዩ።
• ገለ ካልእ ሰብ ክኽንሸብ እዩ ኢልኪ ትሻቐሊ ዲኺ? ምስ ፖሊስ ወይ ማሕበራዊ ኣገልግሎት ተራኸቢ። ምስ ናይ ቤት ትምህርቲ ነርስ ወይ ንትኣምንዮ ካልእ ዓቢ ሰብ ክትዛረቢ ትኽእሊ ኢኺ።