ኣብ ጊዜ ጕብዝና ምልዓል (ኣብ ምፍራጭ)፤ ኣብ ኣካላት ወዲ ተባዕታይ እንታይ የጋጥም ?

እቲ ናይ ”ምፍራጭ” ጊዜ፤ ኣብ መንጎ 9ን 14ዓመትን ዘሎ እዋን፡ ክጅምር ይኽእል’ዩ። እቲ ምሉእ ናይ ”ምፍራጭ” መስርሕ ክሳዕ ዘብቅዕ፤ ንኣስታት 5 ዓመታት ኣቢሉ ዝወስድ እዩ።

እቲ ናይ ”ምፍራጭካ” እዋን ምስ ኣብቅዐ፤ ብዝያዳ ናይ ሓደ በጽሒ ሰብ ኣካላትን መልክዕን ይህልወካ። እቲ ምውሳኽ ናይ ቁመትካ ውን ጠጠው ይብል።

ኣብ ጊዜ ናይ ”ምፍራጭ” እዋን፤ ቆርበትካ ዝበዝሐ ስብሒ የገብር’ዩ። ፈጸጋታትን ካልእ ሹፍታን ውን፡ ኣብ ገጻካ ክወጸካ ልሙድ ነገር እዩ።

ሓሳብትካን ስምዒታትካን ይቀያየር።

ናይ ሓጐስካን ኩራኻን ጠባያት፡ ካብ ቅድም ብዝበለጸ፡ ቀቀልጢፉ ይቀያየር። ቀደም ዘየሕርቐካ ዝነበረ ነገር፡ ሕጂ ግን የቖጥዓካ።

ገለ እዋናት ናይ ጓሂ ስምዒት ይመጸካ፤ ብዙሕ ውን ትሓስብ።

ብዛዕባ ጾታዊ ስምዒት እናተገደስካ ትመጽእ። ብዙሕ ጊዜ ብዛዕባ ጾታዊ ምግባር ጥራይ እናሓሰብካ ድማ ይወትረካ።

ኣብ ገጽካ ውን፡ ኣብ ከባቢ ኣፍንጫኻን ምዕጉርትኻን ጭሕሚ ምውጻእ ክጅምር ይኽእል። ኣብቲ መጀመርታ ጊዜ፡ ስሕው ዝበለ ጭሕሚ ይወጸካ። ምስ ጊዜ ግን እቲ ጭሕሚ እናበዝሐ ይኸይድ።

ድምጽኻ ይቕየር። ምኽንያቱ ድማ ገለ ክፋላት ናይ ጐሮሮኻ ስለ ዝዓቢ እዩ። 

ኣብቲ መጀመርታ ድምጽኻ ዝተመዓራረየ ኣይኰነን። ብድሕሪ ቁሩብ ጊዜ ግን፡ ድምጽኻ ይዕርድድ።

መንኩብካ ይገፍሕ፡ ዝበዝሐ ጭዋዳታት ድማ ይገብር። 

እቲ ኣካላትካ ብቕልጡፍ እንተ ገዚፉ፤ እቲ ቆርበትካ ክነቅዕ ይኽእል’ዩ። እቲ መንቃዕቲ፤ ከም ሕንጻጻት ወይ ሕራድ-ሕዳር ኮይኑ ክርአ ይኽእ’ዩ። እዚ ግን ምስ ጊዜ ባዕሉ ዚጠፍእ እዩ።

ኣብ ኣካላትካ ውን ጸጕሪ ምብቋል ትጅምር፤ ንኣብነት ኣብ ቱሽቱሽካ ጸጕሪ ተብቁል። ምናልባት ውን ንኣብነት፡ ኣብ ኣፍልብኻን ኣብ ሑቖኻን፡ ጸጕሪ ክተብቁል ትኽእል ትኸውን። 

ኣብቲ ናይ ”ምፍራጭ” ጊዜ፤ ብዝያዳ ረህጽ ክትርህጽ ትጅምር ኢኻ።

መንኩብካ ይገፍሕ፡ ዝበዝሐ ጭዋዳታት ድማ ይገብር። 

እቲ ኣካላትካ ብቕልጡፍ እንተ ገዚፉ፤ እቲ ቆርበትካ ክነቅዕ ይኽእል’ዩ። እቲ መንቃዕቲ፤ ከም ሕንጻጻት ወይ ሕራድ-ሕዳር ኮይኑ ክርአ ይኽእ’ዩ። እዚ ግን ምስ ጊዜ ባዕሉ ዚጠፍእ እዩ።

ኣብቲ ብልዕትኻ ጸጕሪ ተቡቁል። መሸኒኻን ፍርንጭትካን ይዓቢ። ፍርንጭትካ ይጽልም፡ ዕጥርጥር ዝበለ ድማ ይኸውን። ኣብ መሸኒኻን ፍርንጭትካን ዕንፍሩር ምርኣይ ክትጅምር ትኽእል።

ነቲ ጫፍ ናይ መሸኒኻ፡ ከም ዘይቲ ኮይኑ ዝቐብኦ፤ ሓደ ጻዕዳ ፈሳሲ ይፍጠር።

ኣብ ጊዜ ”ምፍራጭካ”፤ እተን ኣብ ፍርንጭትካ ዘሎዋ ፍረ-ነፍሲ፤ ሽግሪ ምፍራይ ይጅምራ። ካብ ሽዑ ንንዮ ጀሚርካ ድማ፤ ንስኻ ክተጥንስ ትኽእል ኢኻ ማለት’ዩ።

ኣብቲ ናይ ”ምፍራጭካ” እዋን፤ ብልዕትኻ ሓደ ፍሉይ ሽታ ክገብር ይኽእል እዩ። ምኽንያቱ ድማ፤ እቲ ኣብ ብልዕትኻ ዚፍጠር ረሃጽን ፈሳሲታትን ተደረማሚሩ ዝፈጥሮ ሽታ እዩ። 

ጡብካ ይዓቢ፡ ቁሩብ ከቐንዝወካ ድማ ይጅምር። እቲ ናይ ”ምፍራጭካ” ጊዜ ምስ ኣብቅዐ፤ እቲ ምዕባይ ናይ ጡብካ ውን ናብቲ ልሙድ ግዝፉ ይምለስ።